ЦЗАІ «АГАТ Энерга», створаны на базе адкрытае акцыянернае таварыства «АГАТ-сістэмы кіравання» – кіруючая кампанія холдынгу «Геаінфармацыйныя сістэмы кіравання», з’яўляецца інфармацыйна-аналітычным рашэннем для пабудовы сістэмаў уліку энергарэсурсаў з пераносам асноўных функцый праграмнага забеспячэння верхняга ўзроўню на абсталяванне Таварыства.

Асноўнай канцэпцыяй ЦЗАІ «АГАТ Энерга» з’яўляецца стварэнне сучасных сістэмаў уліку энергарэсурсаў узроўню «Smart Grid», заснаваных на апошніх сусветных навукова-тэхнічных дасягненнях комплексаў апаратных і праграмных сродкаў, якія забяспечваюць на якасна новым узроўні надзейнасці:

• вымярэнне энергетычных рэсурсаў;
• кантроль і кіраванне іх пастаўкай, транспарціроўкай і спажываннем;
• аўтаматызаваную перадачу, апрацоўку і прадстаўленне інфармацыі аб спажыванні рэсурсаў;
• фарміраванне сітуацыйных базаў дадзеных аб энергаспажыванні з элементамі інфармацыйнай падтрымкі задач кіравання спажываннем энергарэсурсаў.

Дадзеныя сістэмы ўліку дазваляюць:

• ацаніць эфектыўнасць укаранення энергазберагальных тэхналогій;
• зрабіць празрыстымі разлікі за спажытыя энергарэсурсы;
• аператыўна атрымліваць дадзеныя пра бягучае спажыванне энергарэсурсаў, рэжымы спажывання, кантролю спраўнасці прыбораў уліку;
• ажыццявіць звядзенне балансу па групах прыбораў уліку, каб выявіць няўлічанае спажыванне і факты ўздзеяння на прыборы ўліку.

Дзейнасць ЦЗАІ рэгулюецца:

• Указам Прэзідэнта Рэспублікі Беларусь № 450 «Аб ліцэнзаванні асобных відаў дзейнасці» ад 1 верасня 2010 г.
• Палажэннем аб ЦЗАІ «АГАТ Энерга» і ажыццяўляецца ў адпаведнасці з Рэгламентам дзейнасці ЦЗАІ «АГАТ Энерга».

ЦЗАІ «АГАТ Энерга» вырашае наступныя задачы:

• забеспячэнне акумуляцыі, апрацоўкі і аналізу ўсёй інфармацыі з прыбораў уліку;
• магчымасць тэхнічнага і/або камерцыйнага ўліку не толькі электрычнай энергіі, але і іншых відаў рэсурсаў (цяпло) як прамысловых, так і бытавых спажыўцоў;
• кругласутачны доступ да інфармацыі пра энергаспажыванне аб’екта, пра паўнату сабраных дадзеных і тэхнічны стан абсталявання ўліку.

ЦЗАІ «АГАТ Энерга» дазваляе на яго аснове ажыццяўляць:

• рэалізацыю сістэмаў уліку энергарэсурсаў, якія распрацоўваюцца наноў;
• мадэрнізацыю сістэмаў уліку энергарэсурсаў, якія ўжо існуюць у спажыўца;
• нарошчванне сістэмаў уліку энергарэсурсаў за кошт колькасці кропак уліку і тыпаў энергарэсурсаў (электрычнасць, цяпло і г.д.).

Партальная інфармацыйна-аналітычная пабудова сістэмаў уліку энергарэсурсаў на базе ЦЗАІ «АГАТ Энерга» накіраваная на павышэнне эфектыўнасці бізнес-працэсаў і дае спажыўцу:

1. Эканомію:

• адсутнасць выдаткаў на разгортванне, падтрымку і абнаўленне апаратнага комплексу і спецыялізаванага ліцэнзійнага праграмнага забеспячэння (ПЗ) верхняга ўзроўню сістэмы на працоўных месцах карыстальнікаў;
• скарачэнне выдаткаў на стварэнне, падтрыманне і развіццё інфраструктуры, утрыманне высокакваліфікаванага абслуговага персаналу;
• значнае зніжэнне часу ўкаранення АСКУЭ;
• для фарміравання памеру абаненцкай платы ў якасці адзінкі тарыфікацыі выкарыстоўваецца кропка ўліку энергарэсурсу;

2. Сэрвіс:

• прадастаўленне ў рэжыме рэальнага часу поўнай і актуальнай інфармацыі пра стан энергааб’ектаў па ўсіх падключаных тыпах энергарэсурсаў (электрычнасць, цяпло і г.д.) у зручным для аналізу выглядзе;
• эфектыўнае інфармацыйнае абслугоўванне карыстальнікаў на базе наяўнага апаратнага, праграмнага і тэхнічнага абсталявання;
• бесперабойнае функцыянаванне;
• кансультацыйная падтрымка кваліфікаваным персаналам;

3. Мабільнасць:

• кругласутачны доступ карыстальнікаў да актуальнай інфармацыі пра энергаспажыванне ўласнага аб’екта з любой прылады, падключанай да сеткі Інтэрнэт;
• інтуітыўна зразумелы інтэрфейс;

4. Бяспеку:

• аўтарызаваны ўваход у сістэму;
• поўны комплекс спецыялізаванага ліцэнзійнага ПЗ;
• дадатковая сістэма інфармацыйнай бяспекі і рэзервавання;

5. Гнуткасць:

• хуткая адаптацыя пад патрэбы бізнесу: нарошчванне колькасці пунктаў уліку энергарэсурсаў;
• пералік інфармацыйных рэсурсаў можна пашырыць у адпаведнасці з патрэбамі карыстальнікаў.

Гэтае рашэнне можа стаць сапраўдным «Памочнікам Кіраўніка», таму што дасць магчымасць забяспечыць яго ўсёй неабходнай інфармацыяй для сітуацыйнага кіравання энергаспажываннем прадпрыемства ў частцы:

• інфармацыйнага забеспячэння працэсу прыняцця рашэнняў у задачах энергаменеджменту.
• аналізу планавання і прагназавання спажывання энергарэсурсаў арганізацыі;
• планавання неабходных мерапрыемстваў па зніжэнні энергаёмістасці і павышэнні энергаэфектыўнасці;
• кантролю і аналізу эфектыўнасці мерапрыемстваў, якія праводзяцца.