Модуль спалучэння МС5 уяўляе сабой прыстасаванне для збору, часовага захоўвання і апрацоўкі інфармацыі ад канцавых прыстасаванняў і перадачы яе на верхні ўзровень да цэнтраў збору/апрацоўкі інфармацыі. Сувязь з прыстасаваннямі (дарожныя кантролеры, лічыльнікі энергіі, цепларэгулятары і інш.) ажыццяўляецца па правадных лініях сувязі: RS485, RS232, Ethernet 10Mbit, «токавая пятля», пратакол «Старт», дыскрэтных уваходах/выхадах, USB. Сувязь з верхнім узроўнем ажыццяўляецца па правадных (RS485, RS232, Ethernet 10Mbit, «токавая пятля», пратакол «Старт», USB) і бесправадных GSM/GPRS лініях сувязі. Модуль падтрымлівае працу ў «празрыстым» рэжыме ў якасці пераўтваральніка інтэрфейсаў, а таксама «непразрыстыя» пратаколы абмену дадзенымі розных вытворцаў.

Асноўныя характарыстыкі

• інтэрфейсы, якія падтрымліваюцца, прыведзеныя ў табліцы:

Ethernet 10Mbit	GSM/GPRS	RS232*	RS485*	USB	Дыскрэтныя ўваходы/выхады	Пратакол «Старт»	«токавая пятля»
1 шт.	1 шт.	да 4 шт.	да 4 шт.	да 1 шт.	2/2 шт.	1 шт.	1 шт.
(ARP, IP, ICMP, UDP, TCP, DHCP, SNMP, HTTP, FTP)	(кліент/сервер)	да 115200 біт/с	да 115200біт/с	USB 1.0	аптычна развязаныя	100 біт/с	да 19200 біт/с

* у залежнасці ад мадыфікацыі, агульная колькасць паслядоўных партоў не больш за 4

• энерганезалежны гадзіннік рэальнага часу;
• аб’ём даступнай flash памяці да 256Kbyte (магчымасць устаноўкі flash-мікрасхемы з унікальным МАС адрасам для працы ў Internet);
• два таймеры Watch Dog (унутраны таймер працэсара і знешні незалежны таймер);
• святлодыёдныя індыкатары стану — 2 шт.;
• электрасілкаванне — +12 В;
• спажываная магутнасць — не больш за 10 Вт;
• рабочая тэмпература — ад - 40 да +50 С;
• устойлівасць да механічных уздзеянняў — L3 згодна з ДАСТ 12997-84;
• абарона чалавека ад паразы электрычным токам: клас III згодна з ДАСТ 12.2.007.0-75;
• маса — не больш за 0,25 кг;
• габарытныя памеры МС5 — не больш за 25х100х115 мм

МС5 можна выкарыстоўваць для пабудовы аўтаматызаваных сістэмаў тэлеметрыі і кіравання рознага прызначэння: аўтаматызаваных сістэмаў кіравання дарожным рухам (АСКДР), аўтаматызаваных сістэм кантролю і ўліку электраэнергіі (АСКУЭ), аўтаматызаваных сістэм кантролю і ўліку цяпла, аўтаматызаваных сістэм кіравання электраасвятленнем, сістэмаў дыстанцыйнай ахоўнай сігналізацыі (з кантролем праз сотавы тэлефон).

• Магчымасць абмену дадзенымі адначасова па некалькіх правадных інтэрфейсах: RS485, RS232, Ethernet 10Mbit «токавая пятля», пратакол «Старт», USB 1.0 (у рэжыме вядучага або кіраванага);
• наяўнасць GSM/GPRS мадэма;
• наяўнасць дыскрэтных уваходаў/выхадаў;
• наяўнасць гадзінніка рэальнага часу з аўтаномным батарэйным сілкаваннем;
• магчымасць работы ў «празрыстым» рэжыме абмену дадзенымі;
• магчымасць перапраграмавання модуля для работы з прыладамі, якія маюць унікальныя пратаколы/алгарытмы працы;
• дыстанцыйнае перапраграмаванне модуля;
• падтрымка пратаколу «Старт» для абмену дадзенымі з існуючымі (састарэлымі) кантролерамі светафорных аб’ектаў;
• шматварыянтнасць выканання модуля з рознымі функцыянальнымі магчымасцямі і коштам;
• магчымасць распрацоўкі мадыфікацыі з функцыянальнымі магчымасцямі згодна з патрабаваннямі заказчыка.

МС5 адметна адрозніваецца ад існуючых на рынку аналагічных прыладаў сваім невысокім коштам, кампактнымі памерамі, уніфікаванасцю прымянення.

Адкрытае акцыянернае таварыства «АГАТ-сістэмы кіравання» – кіруючая кампанія холдынгу «Геаінфармацыйныя сістэмы кіравання» вырабляе і пастаўляе модулі спалучэння МС5, якія ў цяперашні час працуюць у складзе (АСКДР) г. Гродна для сувязі па каналах GPRS са светафорнымі аб’ектамі, размешчанымі ў Гродзенскай вобласці. МС5 уключаны ў праект па стварэнні (АСКУЭ) РУП «Белтэлекам».